काहे मनवा कचोटता
काहे मनवा कचोटऽता,
सोच-सोच के लोटऽता
माया मोह भरल दुनिया मे
जानऽता पर टोकऽता
काहे मनवा कचोटऽता
ज्ञान ज्ञान हम रटऽतानी,
बस्ता भर भर घोटऽतानी
अज्ञानता के पोटऽतानी,
खुद से खुद के चोटऽतानी
अइसन काहे होखऽता,
काहे मनवा कचोटऽता
एके एगो कारण बाटे,
ना गीता ज्ञान केहू बाटऽत बाटे
संस्कार ना पाटऽत बाटे,
मन मे मन ना आटत बाटे
एही से मन से मन टकराता,
भीतरे भीतरे मन बउराता ।
उदय शंकर प्रसाद
बनारस
मट्ठा दही के बात गजब बा
चिड़ियन के आवाज गजब बा
कहल जाला बडका शहर हऽ
मगर बोली मे मिठास गजब बा
गंगा के स्नान गजब बा
विश्वनाथ के धाम गजब बा
कहल जाला ठगन के नगरी
बनारस पे ई अभिशाप गजब बा
हनुमान गढ़ी के बात गजब बा
महाकारणिका घाट गजब बा
भुत प्रेत के जहवा मोक्क्ष मिलेला
उ बनारस के हि जजबात गजब बा
बी एच यु के संस्कार गजब बा
ज्ञान अउर सम्मान गजब बा
कहल जाला गलियन के नगरी
तबला अउर ढोलक के आवाज़ गजब बा
हरिश्चंद्र के राज गजब बा
लइका बिकाइल बात अजब बा
छीन गईल जेके सबकुछ
ओके इहवा मिलाल आशीर्वाद गजब बा
सारनाथ के इतिहास गजब बा
महाकाल के भओकाल गजब बा
त्रिसुल पर बसल ई नगरी
विश्व पटल पे एके इतिहास गजब बा
उदय शंकर प्रसाद
माई अउर माई माटी
हम गोर लागेनी उ माई के
जे माई माटी के करे सम्मान
माई माटी के रक्षा खातिर
दे देलक आपन लईका के बलिदान
उ माई के एगो लइका रहे
कइले रहे अबे बीयाह
माई माटी के रक्षा खातिर
कइलक आपन लइका कुर्बान
अब विधवा मेहरी बिधावा माई
ना केहू के ओपे परछाई
जात धरम के ई दुनिया मे
जब ना पूछे आपन हि भाई
तब केतना बड़का त्याग उ कइलक
ना कुछ आगे ना पीछे धईलक
माई कहाय वाली हि माई
माई के घर के रक्षा कइलक
उदय शंकर "प्रसाद"
इच्छा
अगर नींद से सुततानी
सुख चैन अउर आराम तले
ओके एके गो कारण बा
सीमा पे जवान खड़े
नींद भूख सब मारेला
अउर केतना अपमान सही ?
माई माटी के उहे बेटा
हम बानी बेकार कहीं
फूल अच्छत हम वरसईती
अगर सडक से उ जाईत
हमहू सेवा करती माटी के
जे एक बार मौका मिल जाईत ।
उदय शंकर " प्रसाद "
सौ जनम महफूज
उ इज्जत के का मतलब
जे धन ला मिलल अधिकरी होये
उ रिस्ता के ना मतलब
जे लोभ भरल महामारी होये
मंदिर मे पूजा से पहिले
जहा ना गरीब खियावल जाये
उ पैसा के ना मतलब
जे चूस के केहू से कमावल जाये
गरीब लाचार अपाहिज के
जवन पैसा संतुस्ट करे
उ पैसा अगर ईमानदारी के
सव जन्म महफूज करे ।उदय शंकर "प्रसाद"
संकल्प
काहे झुकी जब गलती ना बा
काहे रुकी जब लक्ष हि बा
गिर के उठेम उठ के चलेम
हिम्मत हि हमर हौंसला बा
चाहे धरती फाटे लागे
चाहे बिजली डांटे लागे
चाहे कही बिछल होये आगी
पर हिम्मत कबो ना हारी
रण भूमि के बनेम विजेता
कृष्ण से शिख बनेम रणनेता
युधिष्ठिर के विचार अपनाएम
आपन पताका हम लहराएम
उदय शंकर "प्रसाद"
.jpeg)
द्रोपदी, सभा अउर कृष्ण
सब केहू सुतल रहे आंख खोल-खोल
सभे लागावे ठहाका बोल-बोल
बिच सभा मे एगो औरत
रोअत रहे हाथ जोर-जोर
जे सकुनी के पासा से रहे पलटाईल
ना चाचा ना केहू , केहू के ले आईल
ना दुलहा ना देवर आईल
तब नाम् हरी के जिहवा पे भाईल
का करस हरी बड़ा दयालु
रणनीति मे बडका चालू
लोक लाज सब उहे बचइने
बडका रिस्ता उहे निभइने
उदय शंकर प्रसाद
सुखी जिनगी जिये के मंतर
चीनी बिना मलाई नाही
दूध जइसन दवाई नाही
तेल से जे करेला मालिश
बीमारी ओके सताये नाही
उठक बइठक जे के आये
मेहनत हर दम जेके भाये
टेंसन के जे हरदम टरकाये
ओके नाही भय सताये
हरिहर साग, हरिहर सब्जी
नाहि मांस, बिना मर्जी
उल्टा पुल्टा जे भी खाये
बिन समय उ बैध बोलाये
खाली पेट जे पियेला पानी
समय से सुते समय के जानी
नाही करे जे देह से छेड़ खानी
उहे बाटे राजा अउर उहे बिया रानी
उदय शंकर प्रसाद
