"मिठ्ठा"
"मिठ्ठा"
मिठ्ठा के गोली, भेल्ली कहाला
क ई गो दवाई मे, काम आ जाला
गन्ना के रस पाक के भेल्ली हो जाला
चना के साथ सबेरे खोजाला
गोर होय चाहे करिया सस्ता बिकाला
चिउडा फूला के ओमे मिसाला
मरीचा आ नुन संगे धराला
सट-सट सबके खूबे घोटाला
भुजा के संगे भी कट-कट कटाला
पानी मे डाल के घट घट घोटाला
पेट के साफ करें, जब पेट मे इ जाला
हरानी थकानी मे चसूती बुझाला
किसान मजदूर के भात, मिठ्ठा से सनाला
देख के खाना मुस्कान आ जाला
गरीब दुखिया के साथी कहाला
खिचड़ी मे मिठ्ठा भरपुर खरीदाला
लाई तिलुआ मे खूबे डलाला
पुजा मे ई भगवान ला धराला
एके बडाई सब जगह सबसे भेटाला
गांव, देहात, शहर हर जगह विकाला।
.jpeg)
कोई टिप्पणी नहीं:
एक टिप्पणी भेजें