भोजपुरीया साइको (Bhojpuriya psycho )

भोजपुरी कविता खाली शब्दन के खेल ना हऽ, ई माटी से जुड़ल जिनगी के साँच-साँच भाव हऽ। एह में गाँव-देहात के महक, मेहनत-मजदूरी के पीड़ा, माई के ममता, प्रेम के मिठास आ विरह के कसक सजीव रूप में झलकेला। एही से भोजपुरी कविता पढ़ल ना, महसूस कइल जाला जेके कारण भोजपुरी कविता मन में गूंजत रहेला। हम आपन कविता बहुत सादा भाषा में गहिर भावना के अइसन ढंग से पिरोए के कोशिश कइले बानी कि कविता सीधे कविता पढ़े वाला के दिल में उतर जाए। हमार कविता बनावटी ना होके आम आदमी के अनुभव, लोकसंस्कृति आ समाज के सचाई के आईना हऽ।

सोमवार, 16 जून 2025

🌿तिनका-तिनका सब बर्बाद बा🍀

🌿तिनका-तिनका सब बर्बाद बा🍀

माटी के बानी, माटी भर औकात बा
ना जमीन , ना हमर जायदाद बा
ई देह से चिडई,जे दिन उड जाई
तिनका-तिनका सब बर्बाद बा
माया, मोह, अहंकार ,देखावा
नाता रिश्ता अउर नया पहिनावा
झूठ ई दुनिया, झुठे सभे परेशान बा
तिनका-तिनका सब बर्बाद बा
चार गो लकडी, अउर संधतीया शमशान बा
आपन करम ही उहवा पहचान बा
मार पिट अउर छिनल सतावल
तिनका-तिनका सब बर्बाद बा

उदय शंकर "प्रसाद"

कोई टिप्पणी नहीं:

एक टिप्पणी भेजें

सदस्यता लें टिप्पणियाँ भेजें (Atom)